綜 合 報 導

「1228還我母語日運動」「全國客家日」客家所在三叉河活動！
  • 日　　期：
    2022-12-28 至 2023-01-03
  • 內　　容：

 【記者魏雲日/苗栗報導】2022-12-28
三義鄉公所在111年12月28日(三)朝晨10時在鄉公所大樓六樓會議室隆重辦理「全國客家日」活動。
客家委員會為著愛紀念1988年12月28日還我母語日運動對客家語言文化个復興意義重大，將全國客家日調整為12月28日，三義鄉係客家文化重點發展區，篤實推行客語為通行語計畫暨傳承客家文化毋曾懈怠，藉「全國客家日」活動邀請大家共下來欣賞靚靚靚个客庄--三義。
活動開場首播「#友善客庄-三義-歡迎來尞」形象影片來揭開序幕，三義火車頭驛伕仔喜客厚意迎客，庄頭伯公石哀認契護稚文化、鯉魚潭水庫、關刀山、火炎山、餳人个舊山線、㧡炭古道、製材所、木雕等人文地產景來認識靚靚个三義。同時會紹介推動客語為通行語个各項成果、表揚推動客語有功社團、人員摎頒發111年通過客語能力初級認證獎勵金等，邀請執行客語傳承个單位人員共下出席。
三義係客家文化重點發展區，鄉公所煞猛推動客語為通行語計畫，客語教育從生活、屋家、學校紮根還過頒發客語能力認證獎勵金分通過个學生仔，也邀請鄉內攝影愛好者、伯公文化維護者同木雕藝術大師共同合作發行客語三角桌曆、明信片，客語友善商家係著上客語友善圍身裙，為廣大个消費者提供客語服務，三義鄉公所網站係有客語電子旅行地圖下載，還有地圖帆布袋、地圖門簾，分講客話遶尞隨身跈等行。
三義鄉公所在推行客語為通行語成果豐碩，108年、109年、110年連等三年分客家委員會評定為「優等」肯定，呂明忠鄉長更在形象影片中用客話講出「寧賣祖宗田，莫忘祖宗言」，有語言正有文化，客話母語愛傳承，講客當生趣，講客當沙鼻，煞猛來打拚--三義就係慶。餳人个舊山線客英雙語故事繪本，用靚靚个客話開闊國際視野，期望分客家行向世界，也分世界認識客家！永續傳承客家文化。